ابڙو اڪيڊمي Abro Academy
2020-07-22
داخلا نمبر 619
عنوان ڪُرُوانڪ، ڦُليارو، ٽوليارو
شاخ پکي
پڙهيو ويو 309
داخلا جو حوالو:
ڪُرُوانڪ، ڦُليارو، ٽوليارو
40 سينٽي ميٽر (16 انچ) جسامت واري هن پکيءَ جا نر ماد هڪجهڙا ٿين ٿا. ان جي پٺي سرمائي ناسي ٿئي ٿي جنهن تي گهري رنگ جا لينگها هوندا آهن. پيٽ جو رنگ ڪجهه هلڪو هوندو اٿس. پرن تي ڪيمو فلاج لاءِ اڇي افقي ليڪ ٿئيس ٿي. ڪُروانڪ پکيءَ جون اکيون وڏيون ۽ هيڊيون ٿينديون آهن، جن جي مدد سان اهو رات جو ڏسي سگهندو آهي. ان جون ٽنگون مضبوط ٿين ٿيون، جن جي مدد سان ان کي خشڪ زمين تي خوراڪ ڳولڻ ۾ مدد ملي ٿي. جيتوڻيڪ هي ساحلي پکي آهي، اهو خشڪ يا پٿريلن علائقن ۾ ملندو آهي. ڏينهن جي وقت ۾ اهو لڪل رهندو آهي، خطري وقت اڏامڻ بدران ڊوڙ ڀريندو آهي.
ٽوليارو سج لٿي مهل يا رات جو سرگرم ٿيندو آهي ۽ جيت ۽ غير ڪرنگھيدار جاندار شڪار ڪندو آهي. اهي رات جو هڪٻئي کي پرشور آواز ڏيئي ويجها ٿيندا آهن. ان جو آکيرو بلڪل سادو ٿئي ٿو يعني زمين تي پٿراڙين ۾ پيرن جي کرڙين ۽ جسم جي زور سان کڏو ٺاهي ويهندو آهي. ھي ماحول : 3 سان تعلق رکي ٿو.